डॉ. ए.पी.जे. अब्दुल कलाम यांची दोन प्रसिद्ध पुस्तकं

1. माझे जीवन – डॉ. ए पी जे अब्दुल कलाम
पाने:143। किंमत: ₹150
माझे जीवन’ ही डॉ. कलाम यांनी शब्दबद्ध केलेली त्यांचीच जीवनगाथा आहे. रामेश्वरमध्ये त्यांचं बालपण गेलं. तिथून सुरू झालेला प्रवास त्यांनी यात रेखाटला आहे. भारताच्या अंतराळ आणि मिसाईल मोहिमेत ते सहभागी होते. भारताचे अकरावे राष्ट्रपती म्हणून त्यांनी पदभार सांभाळला. उर्वरित आयुष्यात त्यांनी शक्य तितक्या लोकांच्या, विशेषतः तरुणांच्या भेटीगाठी घेतल्या. हे सर्व त्यांच्या सहजसुंदर आणि ओघवत्या शैलीत आपल्याला वाचायला मिळतं.

2. अग्निपंख – डॉ. ए पी जे अब्दुल कलाम
पाने:168। किंमत: ₹250
या आत्मचरित्रातून मिळणाऱ्या चैतन्यपूर्ण, आशावादी संदेशामुळे हे पुस्तक व्यवस्थापन या विषयावरील शंभर जाडजूड पुस्तकांपेक्षाही जास्त श्रेष्ठ, मौल्यवान झाले आहे.”ए.पी.जे. अब्दुल कलाम यांचे आत्मचरित्र ही एक असामान्य जीवनकथा आहे. तमिळनाडूमधील तीर्थक्षेत्र रामेश्वरम येथे राहणाऱ्या अल्पशिक्षित नावाड्याच्या कुटुंबात जन्मलेल्या कलामांनी आपल्या देशाच्या अंतराळ संशोधन मोहिमेत आणि क्षेपणास्त्रनिर्मितीच्या कार्यात समर्थपणे नेतृत्व केले आणि त्यातूनच अत्यंत महत्त्वाचे संशोधक म्हणून त्यांनी नावलौकिक मिळवला.  ‘अग्निपंख’ ही कलामांचा व्यक्तिगत जीवनप्रवास सांगणारी धैर्य आणि दृढ विश्वास यांची सशक्त व प्रेरक कथा आहेच. शिवाय ती तंत्र-विज्ञानाच्या क्षेत्रात स्वावलंबी होण्यासाठी स्वतंत्र भारताने केलेल्या संघर्षाचीदेखील गाथा आहे.